خاسه‌که‌وێ له‌و که‌ژه‌ هه‌ڵنیشتووه‌
خاڵی ره‌ش و سووری به‌ جووت رشتووه‌
راوچی هه‌موو له‌و که‌وه‌ ده‌رکه‌وتووه‌
بۆچی دزه‌؟ جه‌رده‌یه‌؟ چی کردووه‌‌؟
ماڵ و مه‌ڕو زیوه‌ری کێی بردووه‌؟
کێ‌هاکه‌سی ئه‌و له‌ ژیان خستووه‌؟
بۆچی که‌ویش مافی ژیانی نییه‌؟!
هه‌قی که‌ژو کێوو ژوانی نییه‌؟!

ساحێبی ئه‌و ده‌شت و که‌ژو کێوه‌یه‌
باڵی ئه‌وه‌ خاوه‌نی ئه‌و نێوه‌یه‌
باعیسی قه‌تڵی چی‌یه‌، ویستوویه‌تی
ژیانی به‌ ئازادی‌یه‌ ویستوویه‌تی
لیی گه‌ڕێ با باڵ و په‌ڕی جوان بکا
له‌و که‌ژه‌دا بانگی ره‌فیقان بکا

بێنه‌وه‌ کانیاوێ بخۆنه‌وه‌ ئاوی سارد
بۆ گۆڕی سه‌ر به‌نێ خۆنه‌وه‌ ئاوی سارد
بابێین و وه‌خر بین له‌سه‌رو کانییه‌
کۆیکه‌ینه‌وه‌ به‌رهه‌م و ئاساری‌یه‌.

 

نووسراوه‌ی گۆران چهارشنبه یازدهم اسفند ۱۳۸۹کاتژمێر 23:35 HEWRAM| |